ШАХТЁР", стадионы
“ШАХТЁР”, Күмертау педагогия колледжы стадионы. Күмертау ҡ. урынлашҡан. 1956 й. “Башкируголь” пр‑тиеһының “Ш.” стадионы булараҡ асыла, 1996 й. хәҙ. статусын ала. 2 футбол майҙаны (100×67, 102×65 м), еңел атлетика йүгереү юлы (400 м), трибуналары (3400 урын), бейеклеккә һәм оҙонлоҡҡа һикереү өсөн секторҙары, саңғы базаһы, хоккей майҙансығы бар. “Ш.” базаһында боҙҙағы мотоуҙыштар, еңел атлетика, мотокросс, саңғы ярышы, футбол секциялары эшләй. Стадионда футбол б‑са БР чемпионаттары (1956—2007), үҫмерҙәр араһында СССР беренселегенең ярым финалы (1967), “Б” класында СССР чемпионаттары (1968—69), урыҫ лаптаһы б‑са ҡатын‑ҡыҙҙар араһында Рәсәй чемпионаты (2005), боҙҙағы мотоуҙыштар б‑са БР кубогы этаптары (2008, 2010) үткәрелә.
Д.А.Пьянов
Тәрж. Г.А.Миһранова