ШЕСТЫКОВ, һаҙлыҡ
ШЕСТЫКОВ, М ү к л е, Шаҙы й. (Бөрө й. ҡушылдығы) туғайындағы һаҙлыҡ. Бөрө р‑ны Шестыков а. төньяҡҡа табан 1 км алыҫлыҡта урынлашҡан. Бер‑береһенән айырылған 3 һаҙлыҡ комплексынан тора. Уйһыу һаҙлыҡ, дөйөм майҙаны 90,3 га, торфтың уртаса ҡалынлығы 2,0 м, иң ҡалыны — 4,2 м, эшкәртелмәгән торф запасы 1174,0 мең м3. Туйыныуы ҡатнаш. Ерек, муйыл, тал, бесәй үләне, ҙур сөйәл үләне, ерек ҡураһы, күрән, ҡамыш, Лобель аҡһырғағы һ.б. үҫә. Аҡ ҡуян, мышы, аҡсәпсек, ҙур ала тумыртҡа, ҡарабаш турғай, ҡыҙылтүш, сыйырсыҡ, үрмәлсек турғай йәшәй; ҡара төйлөгән, селән, сытырҙаҡ сөрәгәй, тартай, һаҙғыраҡ сөрәгәй, һар, һаралйын, һоро торна, һуна өйрәк һ.б. осрай.
Ә.М.Гәрәев
Тәрж. А.Н.Күсеев