ШУБЕРТ Карл Богданович
ШУБЕРТ Карл Богданович (25.2. 1811, Магдебург ҡ., Германия — 10.6. 1863, Цюрих ҡ., Швейцария), виолончелист, композитор. Ф.Дотцауэр уҡыусыһы. 1835 й. алып Рәсәйҙә: Каменный (Ҙур) театр (С.‑Петербург) оркестры, Урыҫ музыка йәмғиәтенең С.‑Петербург бүлексәһендә ҡыллы квартет солисы, 1842 й. башлап С.‑Петербург филармония йәмғиәте дир., бер үк ваҡытта 1850 йй. Волга буйы ҡалаларында концерттар биргән. 1862—63 йй. С.‑Петербург консерваторияһында уҡытҡан. Урыҫ муз. ориентализмы традицияларын дауам иткән. Урта Азия һәм Көньяҡ Урал халыҡтарының музыка фольклоры элементтарын ҡулланып байтаҡ әҫәрҙәр яҙған. Виолончель м‑н оркестр, камера‑инструменталь ансамблдәр өсөн әҫәрҙәр, ш. уҡ “Перовский” башҡорт халыҡ инструменталь көйөнөң беренсе ноталар яҙмаһы авторы.
Әҙәб.: Атанова Л.П. Собиратели и исследователи башкирского музыкального фольклора. Уфа, 1992.
Тәрж. Г.Һ.Ризуанова
