ШУСТЕР Лёва Шмульевич
ШУСТЕР Лёва Шмульевич (7.1.1936, Тирасполь ҡ.), инженер‑механик. Техник ф. д‑ры (1991), проф. (1992). БР‑ҙың атҡ. фән эшмәкәре (2006), РФ‑тың почётлы юғары проф. белем биреү хеҙм‑ре (1997), СССР‑ҙың уйлап табыусыһы (1981). ӨАИ‑ны тамамлағандан һуң (1962) шунда уҡ эшләй: 1976—84 йй. һәм 1990 й. алып машина деталдәре һәм механизмдар теорияһы каф. мөдире, 1992—2001 йй. механизм һәм машиналар ҡороу нигеҙҙәре каф. мөдире. Фәнни эшмәкәрлеге машиналарҙағы һәм металдарҙы механик эшкәртеү технологик процестарындағы трибологияға арналған. Ш. тарафынан ныҡ йөкләндерелгән һәм юғары т‑раларҙағы бәйләнештәрҙең триботехник характеристикалары б‑са мәғлүмәт базаһы төҙөлә, ышҡылыусы йөҙҙәрҙең бер‑береһенә тура килеүе һәм ашалыуға сыҙамлығының критик т‑ралары һ.б. асыҡлана. 450‑нән ашыу фәнни хеҙмәт һәм 14 уйлап табыу авторы.
Хеҙм.: Интенсификация процесса металлообработки на основе использования эффекта самоорганизации при трении. М., 2005 (авторҙ.); Покрытия и смазка в высокотемпературных подвижных сопряжениях и металлообработке. М., 2008 (авторҙ.); Трибологические характеристики электролитических покрытий в различных условиях трения и изнашивания. М., 2013 (авторҙ.).
Тәрж. Р.Ғ.Ғилманов