ШЫРШЫ‑ТАРТЫШ, Кушнаренко р‑нындағы ауыл
ШЫРШЫ‑ТАРТЫШ, Кушнаренко р‑нындағы ауыл, Ҡарасайылға а/с ҡарай. Район үҙәгенән Т.‑Көнб. 17 км һәм Өфө т. юл ст. Т.‑Көнб. табан 75 км алыҫлыҡта Һарыш й. (Сәрмәсән й. ҡушылдығы) буйында урынлашҡан. Халҡы: 1906 й. — 821 кеше; 1920 — 896; 1939 — 757; 1959 — 554; 1989 — 396; 2002 — 410; 2010 — 366 кеше. Башҡорттар, татарҙар йәшәй (2002).Балалар баҡсаһы, фельдшер‑акушерлыҡ пункты, клуб, китапхана бар.
Ауылға 18 б. башында Ҡазан даруғаһы Дыуанай улусы башҡорттары үҙ ерҙәрендә Тартыш (тәүге төпләнеүсе улус старшинаһы Тартыш Зияшев исеме б‑са) исеме м‑н нигеҙ һала. 1713 й., 1779 й. һәм 1802 й. керҙәшлек килешеүҙәре б‑са бында яһаҡлы татарҙар (улар һуңынан типтәрҙәр ҡатламына күскән), 19 б. башында ш. уҡ шарттарҙа мишәрҙәр, 1790 й. удел крәҫтиәндәре (ауылдың бер өлөшөн Шыршы тип атағандар) килеп ултырған. 1795 й. 11 йортта 53 кеше йәшәгән; 1865 й. Тартыш а. (Татар Шыршыһы) 67 йортта — 427 кеше (мәсет, 3 һыу тирмәне булған), Шырыш а. (Шыршы) 6 йортта — 51 кеше (2 һыу тирмәне иҫәпкә алынған). Игенселек, малс‑ҡ м‑н шөғөлләнгәндәр. 19 б. аҙ. алып хәҙ. исемен йөрөтә. 1906 й. 2 мәсет, бакалея кибете, мөгәзәй теркәлгән. Ә.Ғ.Ғәтиәтуллин, М.М.Ҡайбышев ошо ауылда тыуған.
Тәрж. Р.Р.Абдрахманов
