ШӘЙХУЛОВ Нурислам Фәтхелислам улы
ШӘЙХУЛОВ Нурислам Фәтхелислам улы [16.2.1929, БАССР‑ҙың Стәрлетамаҡ кантоны Сәйетбаба а. (БР‑ҙың Ғафури р‑ны) — 27.9.1996, БР‑ҙың Белорет р‑ны Егәҙе а.], яҙыусы. РСФСР‑ҙың халыҡ мәғарифы отличнигы (1967). Яҙыусылар союзы ағзаһы (1993). 1945 й. алып Белорет р‑нында эшләй: мәктәптәрҙә уҡыта, 1951—58 йй. “Сталинсе” гәз. (ҡара: “Урал”) хәбәрсеһе, яуаплы секретары, 1968—75 йй. Егәҙе а/с рәйесе. Әҫәрҙәре 50‑се йй. баҫыла башлай. “Шаулай Еҙем” исемле тәүге китабы 1985 й. сыға. Ш. ижадының төп темаһы — урман сәнәғәте хужалығы эшселәренең тормошо. “Хәүефле сәфәр” (1992) йыйынтығына ингән хикәйәләрендә ауыл үҫмерҙәренең йәйге каникул ваҡытындағы мажаралары тасуирлана. Егәҙелә Ш. исеме м‑н урам аталған, ул йәшәгән йортҡа мемориаль таҡтаташ ҡуйылған.
Әҫәрҙ.: Һағындырыр һандуғасы...: повестар, хикәйәләр. Өфө, 1996; Суҡ муйыл: повестар, хикәйәләр. Өфө, 2009.
З.Я.Шәрипова
Тәрж. Р.Ә.Сиражитдинов