Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ШӘРИПОВА Гөлсәсәк Табрис ҡыҙы

Просмотров: 362

ШӘРИПОВА Гөлсәсәк Табрис ҡыҙы [28.4.1958, БАССР‑ҙың Мәләүез р‑ны (БР‑ҙың Ишембай р‑ны) Кинйәкәй а.], актриса, йырсы. БР‑ҙың халыҡ (2008) һәм атҡ. (1999) артисы. Театр эшмәкәрҙәре союзы ағзаһы (1995). Башҡ‑н респ. мәҙәни‑ағартыу уч‑щеһын тамамлаған (Стәрлетамаҡ ҡ., 1986; Л.Ғ.Төхвәтуллина класы). 1989 й. алып Салауат драма теа­тры актрисаһы.

Ш. актёрлыҡ манераһына хислелек, һиҙемләү ҡеүәһе һәм тәбиғилек хас. Муз. спектаклдәрҙә лирик героинялар ролдәрен башҡара: Шәүрә (“Шәүрәкәй”, М.А.Буранғолов; дебют, 1989), Ғәлиәбаныу (“Ғәлиәбаныу”), Сәрүәр (“Башмағым”). Актрисаның драматик образдары ихласлыҡ м‑н айырылып тора: Абби (“Таштарҙа үҫкән мөхәббәт”, Ю.О’Нил), Сажиҙә (“Һөйәркәм килгән... Ни эшләргә?”, З.Хәким), Роза (“Шырау”, Ф.М.Бүләков); комедия ролдәре юмор, шәфҡәтлелек м‑н һуғарылған: Нәсимә (“Игеҙәктәр”, Ә.Ҡ.Атнабаев), Суфия (“Байрам ашы — ҡара‑ҡаршы”, М.Баһаев), Сурия (“Шулай булды шул...”, Т.Ғ.Миңнуллин). Ш. — билдәле эстрада йырсыһы, йомшаҡ тембрлы тауышҡа эйә. Репертуарында башҡорт (“Таштуғай”, “Һандуғас”, “Шәүрә”) һәм татар (Ғ.Туҡайшиғырына “Әллүки”; “Киңлектә”) халыҡ йырҙары; башҡорт композиторҙары әҫәрҙәре: “Яран гөлө” (Р.М.Хәсәнов), “Сейәләр” (Р.Шәфи шиғырына Хәсәнов), “Матур йыр” (Ә.А.Таһирова шиғырына Л.Я.Шәрипова) һ.б. “Татар йыры” (“Татарская песня”; Ҡазан, 1993) халыҡ‑ара башҡарыусылар конкурсы, “Дуҫлыҡ йыры” халыҡ‑ара башҡорт һәм татар йырҙарын башҡарыусылар фестивале (Нефтекама ҡ., 1995) лауреаты. СССР, Рәсәй, Германия, Ҡытай буйлап гастролдәрҙә була.

З.В.Сәйфуллина

Тәрж. Г.Һ.Ризуанова

Дата публикации: 10.10.2019
Дата последнего обновления публикации: 12.11.2019