Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ШӘҺӘРОВА Сания Вәли ҡыҙы

Просмотров: 99

ШӘҺӘРОВА Сания Вәли ҡыҙы (17.3.1947, БАССР‑ҙың Учалы р‑ны Наурыҙ а.), педиатр, һаулыҡ һаҡлауҙы ойоштороу­сы. Мед. ф. д‑ры (2004). РФ‑тың (2000) һәм БР‑ҙың (1997) атҡ. табибы. БДМИ‑ны тамамлағандан һуң (1971) Учалы ҡ. үҙәк дауаханаһында эшләй. 1972 й. башлап Өфөлә: 4‑се дауаханала бүлек мөдире, 1984 й. алып 3‑сө балалар поликлиникаһында дауалау эштәре б‑са баш табип урынбаҫары, 1989 й. — 6‑сы балалар поликлиникаһында баш табип, 1995 й. — Өфө ҡала һаулыҡ һаҡлау бүлеге мөдире, 1999 й. — БР‑ҙың һаулыҡ һаҡлау министры, 2001 й. башлап БДМУ‑ның өҫтәлмә проф. белем биреү ин‑тында эшләй. Фәнни эшмәкәрлеге халыҡ һаулығын өйрәнеүгә һәм уның мед.­биол. күрһәткестәрен эшләүгә, поликлиника шарттарында балаларҙы дауалауҙы камиллаштырыуға, балалар инвалидлығын иҫкәртеүгә, балаларҙы һәм инвалид бала булған ғаиләләрҙе соц. яҡлау проблемаларына арналған. 170‑кә яҡын фәнни хеҙ­мәт авторы.

Хеҙм.: Комплексная реабилитация больных и инвалидов вследствие болезней системы кровообращения в Республике Башкортостан. Уфа, 2005; Про­блемы детской инвалидности. Уфа, 2008 (авторҙ.); Формирование здорового образа жизни у детей и подростков. Уфа, 2011 (авторҙ.).

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 12.11.2019