ӘЛМӘН РАЙОНЫ, Ҡурған өлкәһе

ӘЛМӘН РАЙОНЫ, Ҡурған өлкәһенең көньяҡ‑көнбайышында урынлашҡан. 1941 й. Силәбе өлкәһе терр‑яһында ойошторола, 1943 й. 6 февр. алып Ҡурған өлк. составына инә. Майҙаны — 2510 км². Адм. үҙәге — Әлмән ауылы. Районда 12 ауыл советы, 33 ауыл торама пункты бар. Халҡы — 12,6 мең кеше (2010), ш. иҫ. 32,4% башҡорттар (ҡара: Урал аръяғы башҡорттары). Башҡорттар тупланып йәшәгән иң ҙур торама пункттар (2002): Бохар, Бәйгәнә, Искәндәр, Ҡаҙаҡҡол, Майлыҡ, Подъяс, Поляна, Тәңреҡол, Шәрип. Башҡорт теле мотлаҡ уҡытыла торған предмет булараҡ райондың 2 мәктәбендә өйрәнелә (2013). Шәрип а. “Бәхет” Башҡорт мәҙәниәте үҙәге (2001 й. башлап), Подъяс а. “Умырзая” башҡорт вокаль ансамбле, “Һандуғас” балалар фольклор ансамбле эшләй. Я.Ғ. Йомаев, Р.Х.Лощенкова, Ғ.С.Мағазов, С.С.Мағазов, Ш.Ә.Манатов, Ғ.Ғ.Тағанов ошо районда тыуған.

Тәрж. Р.Ғ.Ғилманов