ӘҢГӘСӘК ҠӘБЕРЛЕГЕ, Бахмут мәҙәниәте археологик ҡомартҡыһы
ӘҢГӘСӘК ҠӘБЕРЛЕГЕ, Бахмут мәҙәниәте археологик ҡомартҡыһы. 3—5 бб. ҡарай. Дүртөйлө р‑ны Әңгәсәк а. төньяҡ‑көнсығышҡа табан Әңгәсәк й. (Ағиҙел й. ҡушылдығы) уң ярында урынлашҡан. 1928 й. урында йәшәүселәр тарафынан асыла, 1963 й. Н.А.Мәжитов, 1966 й., 1969 й., 1971 й. С.М.Васюткин, 1991 й. Ф.М. Таһиров тикшерә. Ҡурғанһыҙ ҡәберлектәргәҡарай. Мәйеттәр овал йәки тура мөйөшлө ҡәбер соҡорҙарында ҡабыҡҡа төрөп йәки ҡабыҡ түшәктә салҡан һалып баштары м‑н көньяҡ‑көнсығышҡа ҡаратып ерләнгән. Айырым ҡәберлектәрҙә ат, үгеҙ һөйәктәре, туҡыма ҡалдыҡтары, күмер һ.б. табылған. Ҡәбергә керамика, һуғыш һәм эш ҡоралдары, биҙәүестәр һалынған. Ә.ҡ. материалдары Археология һәм этнография музейында һаҡлана.
Әҙәб.: В а с ю т к и н С.М. Ангасякский могильник — ранний памятник бахмутинской культуры //Памятники эпохи средневековья в Верхнем Прикамье. Ижевск, 1980; Т а г и р о в Ф.М. Новые исследования Ангасякского могильника //Уфимский археологический вестник. Уфа, 2007. Вып. 6—7.
Ф.М.Таһиров
Тәрж. Д.К.Үзбәков
