ЫҪЛАҠ, Әлшәй р‑нындағы ауыл
ЫҪЛАҠ, Әлшәй р‑нындағы ауыл, Ыҫлаҡ а/с үҙәге. Район үҙәгенән К.‑Көнб. 20 км һәм Шафран т. юл ст. К.‑Көнб. табан 6 км алыҫлыҡта Ыҫлаҡ й. (Ҡорһаҡ й. ҡушылдығы) тамағында урынлашҡан. Халҡы: 1906 й. — 3834 кеше; 1920 — 5070; 1939 — 2927; 1959 — 2131; 1989 — 1230; 2002 — 1186; 2010 — 956 кеше. Татарҙар йәшәй (2002). Урта мәктәп, балалар баҡсаһы, амбулатория, мәҙәниәт йорто, китапхана, мәсет бар.
Ауылға 1738 й. керҙәшлек килешеүе б‑са Нуғай даруғаһы Яйыҡ‑Ҫыбы‑Мең улусы башҡорттарының аҫаба ерҙәрендә мишәрҙәр нигеҙ һала. 1795 й. 784 кеше иҫәпкә алынған, 1865 й. 417 йортта — 2354 кеше. Игенселек, умарт‑ҡ, балта эше, сана яһау м‑н шөғөлләнгәндәр. 4 мәсет, 2 уч‑ще, 6 һыу тирмәне булған. 1906 й. 5 мәсет, 2 мәктәп, земство дауаханаһы, 4 һыу тирмәне, таш сығарыу урыны, бакалея, шарап һәм 2 һыра кибете, 3 мөгәзәй теркәлгән. Ж.Ф.Ғәлимов, Н.Ф.Ҡаһарманов, Х.М.Насиров ошо ауылда тыуған.
Тәрж. Р.Р.Абдрахманов
