ӘХМӘТОВА‑НӘБИЕВА Эльвира Мирзанур ҡыҙы
ӘХМӘТОВА‑НӘБИЕВА Эльвира Мирзанур ҡыҙы (12.4.1973, Өфө), бейеүсе. БР‑ҙың халыҡ (2010) һәм атҡ. (2002) артисы. Өфө хореография уч‑щеһын (1991; педагогы М.Ә. Кәримов), Көнсығыш иҡт.‑юридик гуманитар акад. (2006; педагогы А.Х. Зөбәйҙуллин), Башҡ‑н дәүләт хеҙмәте һәм идара итеү акад. (2013) тамамлаған. 1991 й. алып Ғәскәров Ф. исемендәге халыҡ бейеүҙәре ансамбле солисы, 2013 й. — ансамбль эргәһендәге балалар хореография студияһы педагогы. Ә.‑Н. сәнғәте һығылмалылыҡ һәм музыкаллек м‑н айырылып тора. Һылыу ҡиәфәтле, сағыу темпераментлы бейеүсе. “Бишбармаҡ”, “Бүләк”, “Гөлнәзирә”, “Ҡороҡсолар”, “Ҡыр ҡаҙҙары” (“Гуси‑лебеди”), “Яҙғы ташҡын” һ.б. бейеүҙәрҙә яңғыҙ партиялар башҡара. Кремль һарайы, П.И.Чайковский ис., “Рәсәй” (бөтәһе лә — Мәскәү), “Октябрьский” (С.‑Петербург) концерт залдары һ.б. сәхнәләрҙә бейей. Мәскәүҙә БР көндәрендә (1997), С.‑Петербургта, Әзербайжанда БР мәҙәниәте (икеһе лә — 2001), Ҡаҙағстанда Рәсәй (Астана, 2004), Төркиәлә БР (Истанбул ҡ., 2006) көндәрендә, “Урыҫ ҡышы” (“Русская зима”) фестивалендә (Лондон, 2005) ҡатнаша. Рәсәй һәм донъяның 20 иле буйлап гастролдәрҙә була.
Әҙәб.: Д о к у ч а е в а А.А. Созвездие талантов. Уфа, 2009.
З.И.Ҡудашева
Тәрж. Г.Һ.Ризуанова