ЯРУЛЛИНА Любовь Георгиевна
ЯРУЛЛИНА Любовь Георгиевна (27.8.1957, БАССР‑ҙың Дүртөйлө р‑ны Дүртөйлө а., хәҙ. Дүртөйлө ҡ.), үҫемлектәр физиологы, биохимик. Биол. ф. д‑ры (2007). БДУ‑ны тамамлағандан һуң (1979) Дүртөйлө р‑нының Әңгәсәк урта мәктәбендә уҡыта. 1980 й. алып Биохимия һәм генетика ин‑тында: 2003 й. башлап өлкән, 2007 й. — төп ғилми хеҙм‑р; бер үк ваҡытта 2009 й. алып БДУ‑ла эшләй. Фәнни тикшеренеүҙәре үҫемлектәр иммунитетының фундаменталь һәм ғәмәли аспекттарына арналған. Я. тарафынан бойҙайҙың төрлө аҙыҡҡа махсуслашыу патогендарынан һаҡланыу яуабы формалашыуҙа цитокининдарҙың интеграль роле, оксидоредуктазаларҙың активлығын һәм анионлы пероксидазаның экспрессияһын индукциялаусы элиситорҙар һәм сигнал молекулалары м‑н үҫемлектәрҙең тотороҡлолоғон яйға һалыу ысулдары асыҡлана. 200‑ҙән ашыу фәнни хеҙмәт авторы.
Х е ҙ м.: Клеточные механизмы формирования устойчивости растений к грибным патогенам. Уфа, 2006 (авторҙ.); Salicylic acid and local resistance to pathogens //Salicylic Accid: а Plant Hormone. Dordrecht, 2007 (авторҙ.); Цитохимические и биохимические методы исследования микроорганизмов — возбудителей болезней растений. Уфа, 2016 (авторҙ.).
Тәрж. Г.А.Миһранова