ЯУБҮЛӘК, Асҡын р‑нындағы ауыл
ЯУБҮЛӘК, Асҡын р‑нындағы ауыл, Яубүләк а/с үҙәге. Район үҙәгенән Көнб. 12 км һәм Көйәҙе т. юл ст. (Пермь крайы) К.‑Көнс. табан 121 км алыҫлыҡта Асҡыш й. (Өфө й. басс.) буйында урынлашҡан. Халҡы: 1906 й. — 433 кеше; 1920 — 447; 1939 — 263; 1959 — 149; 1989 — 92; 2002 — 101; 2010 — 86 кеше. Башҡорттар, урыҫтар йәшәй (2002). Башланғыс мәктәп (Асҡын урта мәктәбе №2 филиалы), фельдшер‑акушерлыҡ пункты бар.
Ауылға Бөрө өйәҙендә урыҫ крәҫтиәндәре нигеҙ һала, 1865 й. алып Яубүләк бүлендек ауылы булараҡ билдәле. 1896 й. 76 йортта 415 кеше йәшәгән. Игенселек, малс‑ҡ м‑н шөғөлләнгәндәр. 1906 й. (хәҙ. исем) земство мәктәбе, 2 бакалея кибете теркәлгән.
Тәрж. Р.Ғ.Ғилманов