ЯБЛОНСКИЙ Всеволод Сергеевич
ЯБЛОНСКИЙ Всеволод Сергеевич (7.11.1901, Ырымбур ҡ. — 2.5.1963, Өфө), инженер‑механик. Техник ф. д‑ры (1946), проф. (1946). РСФСР‑ҙың атҡ. фән һәм техника эшмәкәре (1962). Граждандар һуғышында ҡатнашыусы. МДУ‑ны тамамлаған (1928). 1924—27 йй. “Мәғариф хеҙмәткәре” нәшриәтендә эшләй, 1928 й. алып Нефть тикшеренеү ин‑тында (икеһе лә – Мәскәү) лаб. мөдире. 1930 й. башлап И.М.Губкин ис. Мәскәү нефть ин‑тында (1937 й. – нефтте күсереү һәм һаҡлау каф. мөдире), 1957 й. — ӨНИ‑лә (1958 й. — нефтте һәм газды күсереү һәм һаҡлау каф. мөдире). Фәнни хеҙмәттәре үткәргес торба транспортына арналған. Я. тарафынан бер үткәргес торба аша эҙмә‑эҙлекле бер нисә нефть продуктын ҡыуыу ысулы уйлап табылған, төрлө йылылыҡ алмашыу шарттарында изотермик булмаған ағымдарҙың гидромеханикаһы, нефть‑газ торбаларының гидравликаһы, нефть продукттарының парға әйләнеү процестары һ.б. өйрәнелгән. 113 фәнни хеҙмәт авторы. “Почёт Билдәһе” орд. м‑н бүләкләнгән (1945).
Х е ҙ м.: Проектирование нефтегазопроводов. М., 1959 (авторҙ.); Проектирование, эксплуатация и ремонт нефтепродуктопроводов. М., 1965 (авторҙ.).
Р.Н.Бәхтизин
Тәрж.Р.Ғ.Ғилманов
