ЯГОДКИН Василий Максимович
ЯГОДКИН Василий Максимович (1.7.1939, Брянск өлк. Княгинино а. — 24.1.2015, Өфө), инженер‑конструктор. Физика‑матем. ф. д‑ры (2002). Куйбышев авиация ин‑тын тамамлағандан һуң (1967) 2010 й. тиклем БДУ‑ла уҡыта. Фәнни эшмәкәрлеге микроэлектроникаға арналған. Я. тарафынан полиэфирсульфондарҙың, полидифениленфталидтарҙың, улар нигеҙендәге композицион материалдарҙың үҙсәнлектәренә комплекслы тикшеренеүҙәр үткәрелгән; ҙур үлсәмле гибрид интеграль схемаларҙы, күп ҡатламлы коммутация платаларын ҡалын плёнкалы технология б‑са етештереү өсөн материалдар класы эшләнгән. Асыштары “Кабель” КБ‑нда, “Молния” пр‑тиеһында индерелгән. 60‑тан ашыу фәнни хеҙмәт авторы.
Х е ҙ м.: Влияние комплексов переходных металлов на электронную структуру ароматических полиядерных соединений //Журнал прикладной химии. 2000. Т.73. Вып.2 (авторҙ.); Effect of Structural Transformation in Aromatic Polysulfones on Their Properties //Russian Polymer News. 1999. Vol.4. №4 (авторҙ.).
Р.Ф.Таулыҡаев
Тәрж.Р.Ғ.Ғилманов