ЯКОБИ Иван Варфоломеевич
ЯКОБИ Иван Варфоломеевич, Я к о б и й И.В. (1726—1803, С.‑Петербург), дәүләт һәм хәрби эшмәкәр. Инфантериянан генерал (1797). 1768—74 йй. рус‑төрөк һуғышында ҡатнашыусы. Ҡоро ер шляхта кадет корпусын тамамлаған (С.‑Петербург, 1747). 1747—76 йй. рус армияһында. 1776 й. алып Әстерхан губернаторы, 1781 й. башлап Өфө һәм Сембер ген.‑губернаторы, бер үк ваҡытта Ырымбур корпусы һәм крайҙағы барлыҡ линия ғәскәрҙәре командиры. Ырымбур губернаһын Өфө наместниклығына үҙгәртеү проектын әҙерләй, 4‑се халыҡ ревизияһын үткәреүгә, Ырымбур казак ғәскәрен һәм Урал казак ғәскәрен урынлаштырыуға булышлыҡ итә. 1783—87 йй. Иркутск һәм Колывань ген.‑губернаторы. 3‑сө (1789) һәм 4‑се (1775) дәрәжә Изге Георгий, 1‑се дәрәжә Изге Владимир (1783), Изге Александр Невский (1779) орд. м‑н бүләкләнгән.
В.Г.Семёнов, В.П.Семёнова
Тәрж.М.Х.Хужин