ЯҠТЫКҮЛ, Әбйәлил р‑нындағы ауыл
ЯҠТЫКҮЛ, Әбйәлил р‑нындағы ауыл, Ташбулат а/с ҡарай. Район үҙәгенән Т.‑Көнс. 33 км һәм Ташбулат т. юл ст. К.‑Көнб. табан 16 км алыҫлыҡта Яҡтыкүл күле буйында урынлашҡан. Халҡы: 1959 й. — 425 кеше; 1989 — 477; 2002 — 439; 2010 — 418 кеше. Башҡорттар йәшәй (2002). Халҡы “Яҡтыкүл” шифаханаһында эшләй. Балалар баҡсаһы бар.
Ауылға 20 б. 30‑сы йй. Магнитогорск металлургия комб‑тының ял йорто ойошторолоуға бәйле Магнитогорск ял йорто ҡасабаһы булараҡ нигеҙ һалына. 50‑се йй. аҙ. башлап хәҙ. исемен йөрөтә, 2005 й. хәҙ. статусын ала. Ауыл эргәһендә тәбиғәт ҡомартҡылары булып торған Яҡтыкүл күле, Ҡараһыйыр ҡарт ҡарағасы урынлашҡан.
Тәрж. Р.Ғ.Ғилманов