ЯҠШЕМБӘТ, Көйөргәҙе р‑нындағы ауыл
ЯҠШЕМБӘТ, Көйөргәҙе р‑нындағы ауыл, Яҡшембәт а/с үҙәге. Район үҙәгенән һәм Ермолаевка т. юл ст. К.‑Көнб. табан 27 км алыҫлыҡта Ыҫмайыл й. (Оло Юшатыр й. басс.) буйында урынлашҡан. Халҡы: 1900 й. — 581 кеше; 1920 — 808; 1939 — 732; 1959 — 800; 1989 — 743; 2002 — 837; 2010 — 835 кеше. Башҡорттар йәшәй (2002). Урта мәктәп, балалар баҡсаһы, амбулатория, мәҙәниәт йорто, китапхана, мәсет бар.
Ауылға 17 б. 2‑се ярт. Нуғай даруғаһы Бөрйән улусы башҡорттарының аҫаба ерҙәрендәш. уҡ даруғаның Ҡыпсаҡ улусы башҡорттары нигеҙ һала. 1755 й. Ырымбур губ. канцелярияһының указы б‑са бында Сәлтәш Нөркин (Нөркәев) етәкс. ҡалмыҡтар килеп ултырған. 1795 й. 14 йортта 136 кеше йәшәгән, 1866 й. 80 йортта — 429 кеше. Малс‑ҡ, игенселек м‑н шөғөлләнгәндәр. Мәсет булған. М.Т.Аҙнабаев, Т.Ә. Аҙнабаев, Ф.Ғ.Ғәлиев, Р.Ғ.Дәүләтбаева, Ф.Х.Шәфиев ошо ауылда тыуған.
Тәрж. Р.Ғ.Ғилманов
