ЯҠШЫМБӘТОВ Малик Нәсих улы

ЯҠШЫМБӘТОВ Малик Нәсих улы (18.4.1944, Кемерово ҡ. — 18.2. 1993, Өфө, БР‑ҙың Әбйәлил р‑ны Асҡар а. ерләнгән), кинорежиссёр. Бөтә Союз дәүләт кинематография ин‑тын тамамлағандан һуң (1969; Г.Н.Чухрай оҫтаханаһы) “Казахфильм” к/ст, 1985 й. алып “Казахтелефильм” студияһында (Алма‑Ата) эшләй. 1991—93 йй. “Башҡортостан” к/ст художество етәксеһе. 20‑нән ашыу документаль, документаль‑публицистик һәм нәфис фильм төшөргән: “Зоопаркта йәй” (“Лето в зоопарке”; “Казахфильм” к/ст, 1977), “Салауат Юлаев көндәре” (“Дни Салавата Юлаева”, 1991), “Аксаков һәмБашҡортостан” (“Аксаков и Башкирия”, 1991; икеһе лә —“Башҡортостан” к/ст), “Таштағы ҡуйы ҡаным” (“На камне кровь моя густая”;“Башҡортостан” ДТРК‑һы, 1992) һ.б. фильмдар. 1992 й. “Башҡортостан” к/ст Я. тарафынан “Азатлыҡ ҡапҡаһы” [“Врата свободы”; “Көмөш ярым ай” (“Серебряный полумесяц”) Халыҡ‑ара кинофестивале дипломанты, Ашхабад, 1992] исемле тәүге тулы метражлы документаль фильм төшөрөлә. Я. исемен Асҡарҙағы кинотеатр йөрөтә.

Тәрж.­ Р.Р.Абдрахманов