ЯЛАНҒАС, Башҡортостан (Көньяҡ) Уралындағы һырт
ЯЛАНҒАС, Башҡортостан (Көньяҡ) Уралындағы һырт. Белорет р‑ны буйлап Урта һәм Һул Отнурок йй. (Ағиҙел й. басс.) араһында субкиңлек йүнәлешендә һуҙылған. Оҙонлоғо 8 км, киңлеге 6 км, абс. бейеклеге 1297 м. Бейеклеге 688—1297 м булған 5 түбәһе бар. Рельефы уртаса бейеклектәге тауҙарҙан тора; түбәләрендә тигеҙ булмаған ашалыу һөҙөмтәһендә барлыҡҡа килгән тау киртләстәре таралған, курумдар хас. Битләүҙәре текә; төньяҡ өлөшөндә Журавлиный һаҙлығы төбәге урынлашҡан, көнсығышта һәм көньяҡта 865 м (Устиновка тауы) һәм 678 м (Яланасыҡ тауы) бейеклектәге 2 армыт бар. Урта рифейҙыңегәлгә свитаһы кварциттарынан ғибәрәт. Я. битләүҙәрендә Каменный Ключ, Тирлән йй. (Ағиҙел й. басс.) башлана. Ландшафтарҙың бейеклек бүлкәтлеге күҙәтелә: ҡара ылыҫлы шыршы‑аҡ шыршы урмандары тундра, көрәнһыу урман һәм тау болондары тупраҡтарындағы тау тундралары һәм бейек үләнле тау болондары ҡатыш һирәк урмандар м‑н алмашына.
Тәрж. И.М.Япаров
