ЯЛАНҒАС, Балтас р‑нындағы ауыл
ЯЛАНҒАС, Балтас р‑нындағы ауыл, Яланғас а/с үҙәге. Район үҙәгенән К.‑Көнс. 34 км һәм Көйәҙе т. юл ст. (Пермь крайы) К.‑Көнс. табан 101 км алыҫлыҡта Яланғас күле (Тере Танып й. басс.) буйында урынлашҡан. Халҡы: 1906 й. — 633 кеше; 1920 — 719; 1939 — 726; 1959 — 447; 1989 — 245; 2002 — 245; 2010 — 211 кеше. Башҡорттар йәшәй (2002). Төп мәктәп, балалар баҡсаһы, фельдшер‑акушерлыҡ пункты бар.
Ауылға Бөрө өйәҙе Ҡыр‑Танып улусы башҡорттарының аҫаба ерҙәрендә керҙәшлек килешеүе б‑са мишәрҙәр нигеҙ һала, 1786 й. (башҡа мәғлүмәттәр б‑са, 1719 й.) алып билдәле. Һуңыраҡ бында ш. уҡ шарттарҙа типтәрҙәр күсеп ултырған. 1865 й. 29 йортта 179 кеше йәшәгән. Игенселек, умарт‑ҡ м‑н шөғөлләнгәндәр. Уч‑ще булған. 1906 й. мәсет, бакалея кибете теркәлгән. Ф.Х. Хәзиев ошо ауылда тыуған.
Тәрж. Р.Ғ.Ғилманов
