ЯЛАНКҮЛ, Ағиҙел й. басс. күл

ЯЛАНКҮЛ, Ағиҙел й. басс. күл. Бөрө р‑ны Үгеҙ а. эргәһендә урынлашҡан. Күл өҫтө майҙаны — 1,64 км², оҙонлоғо — 16,5 км, уртаса киңлеге — 99,3 м, уртаса тәрәнлеге — яҡынса 2,4 м. Иҫке үҙән, квартер тоҡомдарында (балсыҡтар, ҡомдар) барлыҡҡа килгән, соҡоро һуҙылған. Ағар күл, унан Старица күлен һәм Ағиҙел й. берләштергән Исток шишмәһе ағып сыға. Башлыса яуым‑төшөм м‑н туйына. Күл эвтрофлы. Ярҙары һөҙәк, көньяҡта һәм көньяҡ‑көнсығышта — текә, һаҙланған. Ландшафы һаҙ, ҡараһыу һоро урман, аллювиаль­ тупраҡтарҙағы һәм ҡара­тупраҡтағы һаҙланған болондарҙан, урмандар­ҙан һәм ҡыуаҡлыҡтарҙан ғибәрәт; төньяҡ һәм көньяҡ өлөштәрендә урман массивтары (ерек, муйыл, тал, ҡара ҡарағат) һаҡланған. Екән, күл ҡамышы, күрән, ҡамыш, сумған мө­гөҙьяпраҡ, тәлмәрйен­ тәңкәһе, һыу­үләне һ.б. үҫә. Аҡсарлаҡ, ваҡ­сарлаҡ, сытырҙаҡ сөрәгәй, тартай, һаҙғыраҡ сөрәгәй, һуна ­өйрәк һ.б. йәшәй.

Ә.М.Гәрәев

Тәрж.­ А.Н.Күсеев