ӘЗМӘТОВ Хәсән Әхмәтзыя улы

ӘЗМӘТОВ Хәсән Әхмәтзыя улы (2.10.1939, БАССР-ҙың Илеш р-ны Иләкшиҙе а.), инженер-механик. Техник ф. д-ры (1999), проф. (2003). РФ‑тың (1998) һәм БАССР-ҙың (1987) атҡ. уйлап табыусыһы, СССР‑ҙың нефть сәнәғәте отличнигы (1985). ӨНИ‑не тамамлаған (1969). 1960 й. алып Шкапов газ‑бензин з-дында, 1964 й. — Өфө химия з-дында, 1967 й. — ИПТЭР-ҙа (1989 й. Башлап бүлек мөдире) эшләй. 2016 й. алып ӨДНТУ‑ла. Фәнни тикшеренеүҙәре үткәргес торба системаларының ышаныслығын тәьмин итеү ысулдарын уйлап табыуға бәйле. Ә. Тарафынан нефть үткәргестәрҙе ремонтлау өсөн технологиялар һәм техник саралар, ш. иҫ. эшләп торған үткәргес торбаларҙың ҡаҡшаған участкаларын тергеҙеү өсөн махсус машиналар, уйлап табыла, улар БР-ҙа һәм РФ‑тың башҡа төбәктәрендә, Ҡаҙағстанда, Украинала индерелә. 200 фәнни хеҙмәт һәм 73 уйлап табыу авторы. Салауат Юлаев орд. м‑н бүләкләнгән (2010).

Х е ҙ м.: Аварийно-восстановительный ремонт магистральных нефтепроводов. М., 1998 (авторҙ.); Капитальный ремонт подземных нефтепроводов. М., 1999 (авторҙ.); Реконструкция линейной части магистральных нефтепроводов. М., 2003 (авторҙ.).

С.Г.Бажайкин

Тәрж. Р.Ғ.Ғилманов