Комсомол йыры, песня

КОМСОМОЛ ЙЫРЫ

Ғ. Әмири һүҙҙәре

Х. Әхмәтов музыкаһы

Сафтарҙы беҙҙең тупланы бергә

Партиябыҙҙың бөйөк хәстәре,

Өйрәтте беҙҙе илде һөйөргә —

Ҡанатлы быуын — совет йәштәрен.

Ҡушымта:

Ғорурлан, Ватан, алда бара гел

Комсомолияң — ҡыҙ һәм улдарың.

Партияның саф, тоғро байрағын

Йәш гвардия тота юғары.

Ынтылһа дошман, ҡара болоттай,

Ватандың аяҙ күген ҡапларға,

Ташландың уға, йәшен һәм уттай,

Баҫып иң алғы, ҡыйыу сафтарға.

Ҡушымта.

Тыныс хеҙмәттә тынғы белмәйбеҙ,

Тауҙар аҡтарып, юлдар ярабыҙ.

Ерҙе быраулап, байлыҡ эҙләйбеҙ,

Киң ҡырҙарҙан мул уңыш алабыҙ.

Ҡушымта.

Ҡаршылыҡтарға ҡаршы барабыҙ —

Беҙҙә көс, ғәйрәт, беҙҙә шат күңел.

Яңғыра һин, ғорур комсомол маршы,

Диңгеҙҙәрҙе кис, күктәргә үрел.

Ҡушымта.