НА СТЫКЕ ВЕКОВ. В 2 томах. Том 1

Әҙәбиәт белгесе һәм тәнҡитсе әнғәм хәбировтың «Быуаттар ҡауышҡанда» тип аталған хеҙмәтенең 1-се томына уның уҙған быуаттың һуңғы сирегендә, яңы быуаттың тәүге йылдарында яҙылған һәм төрлө баҫмаларҙа донъя күргән әҙәби тәнҡит мәҡәләләре, шиғриәтебеҙҙең торошон һәм үҫешен яҡтыртҡан йыллыҡ күҙәтеүҙәре, айырым яҙыусыларҙың һәм шағирҙарҙың ижадын күҙаллауға бағышланған әҙәби портреттары тупланды. әнғәм хәбиров Башҡортостандың халыҡ шағиры назар нәжмиҙең тормош һәм ижад юлын тикшереүгә һәм пропагандалауға күп көс һалды, шағирҙың ижадын мәктәптәрҙә һәм юғары уҡыу йорттарында тулыраҡ өйрәнеү өсөн әҙәбиәтебеҙ ғилемендә тәүгеләрҙән булып махсус «семинарий» әҙерләп баҫтырҙы (Өфө: Ғилем, 2006). Бөтә ғүмерен республикабыҙ мәктәптәре өсөн юғары белемле уҡытыусылар әҙерләүгә сарыф иткән ғалим үҙенең был ике томлығын  башҡорт теле һәм әҙәбиәте уҡытыусыларына адреслай.