ЯБАЛАҠЛЫ, Шишмә р‑нындағы ауыл

ЯБАЛАҠЛЫ, Шишмә р‑нындағы ауыл, Шөңгәккүл а/с ҡарай. Район үҙәгенән К. 29 км һәм Шөңгәккүл т. юл ст. Көнс. табан 4 км алыҫлыҡта Олокүл күле (Дим й. басс.) буйында урынлашҡан. Халҡы: 1906 й. — 657 кеше; 1920 — 902; 1939 — 728; 1959 — 534; 1989 — 236; 2002 — 254; 2010 — 277 кеше. Башҡорттар йәшәй (2002). Фельдшер‑акушерлыҡ пункты, үҙәк район дауаханаһының психиатрия бүлеге, клуб, мәсет бар.

Ауылға Нуғай­ даруғаһы Ҡырҡ‑Өйлө‑Мең улусы башҡорттары үҙ ерҙәрендә нигеҙ һала, 1780 й. алып билдәле. 18 б. аҙ. Яңы Ябалаҡлы бүлендек ауылы барлыҡҡа килгәндән һуң Иҫке Ябалаҡлы булараҡ теркәлгән. 1795 й. 6 йортта 36 кеше йәшәгән, 1865 й. Яңы, Иҫке Ябалаҡлыла 72 йортта — 421 кеше. Малс‑ҡ, игенселек, сабата үреү, умарт‑ҡ, тун тегеү, урман кәсептәре м‑н шөғөлләнгәндәр. Мәсет, уч‑ще, 3 һыу тирмәне булған. 1906 й. (хәҙ. исем) мәсет, 3 бакалея кибете, мөгәзәй иҫәпкә алынған. Ауыл эргәһендә Яба­лаҡ­лы­ ҡурғандары урынлашҡан. М.Х. Хис­әтуллина ошо ауылда тыуған.

м­Г.Т.Хөсәйенова,­Р.И.Янғуразов

Тәрж.­Р.Ғ.Ғилманов