ЯГОДНЫЙ һырты
ЯГОДНЫЙ, Башҡортостан (Көньяҡ) Уралындағы һырт. БР‑ҙың Учалы р‑ны һәм Силәбе өлк. сиге буйлап субмеридиональ йүнәлештә һуҙылған. Оҙонлоғо яҡынса 15 км, киңлеге 2—4 км, абс. бейеклеге 1205 м (Оло Ягодный тауы). Бейеклеге 932—1205 м булған 3 түбәһе асыҡ күренеп тора. Рельефыуртаса тауҙарҙан ғибәрәт; битләүҙәре текә, түбәләре һөҙәк, курумдар таралған; итәктәре һаҙланған, көньяҡ‑көнсығыш өлөшөндәге Я. һәм Әүәләк һырттары араһында Төлөк һаҙлығы урынлашҡан. Түбәһе урта рифей ҙыңегәлгә (кварциттар), битләүҙәре — егәҙе‑комаров свиталары (күмерле, хлорит‑кварцлы һәүерташтар) тоҡомдарынан тора. Я. итәктәрендә Йүрүҙән й. басс. йылғалары башлана. Ландшаф тарҙың бейеклек бүлкәтлеге күҙәтелә: ҡара ылыҫлы аҡ шыршы һәм шыршы урмандары болон‑тау, көрән урман, тундра тупраҡ тарындағы бейек үләнле тау болондары һәм тау тундралары ҡатыш һирәк урмандар м‑н алмашына.
Тәрж. Р.Ғ.Ғилманов