БЕЛОВ Степан Михайлович

БЕЛОВ Степан Михайлович (14.6.1996, Октябрьский ҡ.), танкист, майор (2025). Рәсәй Федерацияһы Геройы (2022). Донецк һәм Луганск Халыҡ Республикаларын һаҡлау буйынса махсус хәрби операцияла ҡатнашыусы (2022). Ҡазан юғары танк команда училищеһын (2018), РФ Ҡораллы Көстәренең Дөйөм ғәскәри академияһын (Мәскәү, 2024) тамамлаған. 2014 й. алып Рәсәй армияһында. Герой исеменә танк ротаһы командиры өлкән лейтенант Б. Донецк һәм Луганск Халыҡ Республикаларын һаҡлау буйынса махсус хәрби операция барышындағы алышта күрһәткән батырлығы һәм ҡаһарманлығы өсөн лайыҡ була. Батырлыҡ (2022), генерал Шайморатов (2023) ордендары менән бүләкләнгән. Октябрьский ҡ. ул уҡыған 12‑се урта мәктәптә Геройға парта ҡуйылған.

Е.А.Смирнов

Тәрж. Г.У.Кәбирова