ЙЫЛҒА УЧИЛИЩЕҺЫ

ЙЫЛҒА УЧИЛИЩЕҺЫ, 1970 й. Өфө команда йылға уч‑щеһы булараҡ асыла, 2005 й. алып Мәскәү һыу транспорты акад. филиалы. Уҡытыу көндөҙгө һәм ситтән тороп уҡыу бүлектәрендә түбәндәге һөнәрҙәр б‑са алып барыла: ташыуҙы ойоштороу һәм транспортта идара итеү, хоҡуҡ һәм соц. тәьминәтте ойоштороу, суднолар йөрөтөү, судноларҙың электр ҡорамалдарын һәм автоматика сараларын эксплуатациялау, судноларҙың энергетик ҡулайламаларын эксплуатациялау, иҡт. һәм бухгалтер иҫәбе. 3 компьютер класы, 4 спорт һәм уҡыу залы, училище тарихы музейы, китапханаһы, һыу‑спорт лаб., саңғы базаһы, дөйөм ятағы, 4 теплоходы, 2 дебаркадеры, баржалары бар. 6,5 меңдән ашыу белгес әҙерләнгән (2012).

Н.В.Бричкин

Тәрж. Ә.Н.Аҡбутина