КАБАКОВИЧ Геннадий Аркадьевич

КАБАКОВИЧ Геннадий Аркадьевич (29.2.1952, Гайсин ҡ. — 1.9.2019, Өфө ҡ.), социолог. Социология фәндәре докторы (1995), профессор (1998). Рига юғары хәрби авиация инженерлыҡ училищеһын тамамлаған (1978). 1979 й. алып ӨДАТУ‑ла уҡыта. 1996 й. башлап БДУ‑ла: 1998 й. алып Башҡ. эшҡыуарлыҡтың комплекслы хәүефһеҙлеге академияһы директоры, 2003—10 йй. тәрбиәүи эш һәм социаль мәсьәләләр буйынса проректор. Фәнни тикшеренеүҙәре хәрби социология, йәштәр социологияһы, уҡыу процесына яңы мәғлүмәт технологияларын индереү проблемаларына арналған.

Хеҙм.: Военное образование и национальная безопасность. СПб., 1998 (авторҙ.); Военное право. М., 1999; Правовой нигилизм молодёжи как одна из социальных проблем России. Уфа, 2010 (авторҙ.).

Тәрж. Ә.Н.Аҡбутина