СӘЙЕТОВ Уйылдан Ғилман улы

СӘЙЕТОВ Уйылдан Ғилман улы [17.11.1951, БАССР‑ҙың Матрай районы Әбделнасыр а. (БР‑ҙың Хәйбулла районы)]. Философия фәндәре кандидаты (1991). БР‑ҙың атҡаҙанған матбуғат һәм киң мәғлүмәт хеҙмәткәре (2011). ВЛКСМ ҮК эргәһендәге Юғары комсомол мәктәбен (1977), КПСС ҮК эргәһендәге Ижтимағи фәндәр академияһын (1991; икеһе лә – Мәскәү ҡ.) тамамлаған. 1970 й. алып (өҙөклөк менән) Хәйбулла районында эшләй: “Хәйбулла” совхозында бригадир ярҙамсыһы, 1971–73 йй. ВЛКСМ‑дың Хәйбулла райкомы инструкторы, 1977 й. башлап 1‑се секретары. 1979 й. алып (өҙөклөк менән) ВЛКСМ‑дың Башҡортостан өлкә комитетында: 1980 й. тиклем комсомол ойошмалары бүлеге мөдире урынбаҫары, 1982 й. башлап секретары. 1980–82 йй. “Ленинсы” – “Ленинец” (ҡара: “Йәшлек” һәм “Молодёжная газета”) республика йәштәр гәзите мөхәррире. 1987–88 йй. КПСС‑тың Башҡортостан өлкә комитеты инструкторы, 1991 й. алып РСФСР Коммунистар партияһы Башҡортостан республика комитетының идеология бүлеге мөдире урынбаҫары, 1992 й. — РФА Өфө фәнни үҙәге ТТӘИ‑нең ғилми, өлкән ғилми хеҙмәткәре. 1993 й. башлап (өҙөклөк менән) БР‑ҙың “Башҡорт энциклопедияһы” дәүләт автономиялы фән учреждениеһында эшләй: баш мөхәррирҙең 1‑се урынбаҫары, 1995 й. һәм 1998 й. алып директор, 2012–17 йй. — генераль директор, 2022 й. башлап ғилми етәксе. 1995–97 йй. БР‑ҙың мәҙәниәт министры. Фәнни эшмәкәрлеге ижади интеллигенция һәм төбәк энциклопедистикаһы мәсьәләләренә арналған. БР‑ҙың фән һәм техника өлкәһендәге Дәүләт премияһы (2015), Р.Өмөтбаев исемендәге премия (2016) лауреаты. “Почёт Билдәһе” (1986), “Башҡортостан Республикаһында күрһәткән хеҙмәттәре өсөн” (2021) ордендары менән бүләкләнгән.

  Х е ҙ м.: Становление творческой молодёжи: на материалах Башкортостана. Уфа, 1994; Башкирская художественная интеллигенция: происхождение, становление, взаимодействие с обществом и властью. Уфа, 2004; Российская региональная энциклопедистика: истоки, место и роль в обществе. Уфа, 2020.

Тәрж. Ә.Н.Аҡбутина