Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ХӨСӘЙЕНОВА Рита Игоревна

Просмотров: 744

ХӨСӘЙЕНОВА Рита Игоревна (25.8.1968, БАССР‑ҙың Туймазы районы Татар‑Олҡан а.), генетик. Биология фәндәре докторы (2015). БР‑ҙың һаулыҡ һаҡлау отличнигы (2020). БДУ‑ны тамамлаған (1993). 1986 й. алып Ғ.Ғ.Ҡыуатов исемендәге Республика клиник дауаханаһында, 1993 й. — “Альмири” фирмаһы бәләкәй предприятиеһында эшләй. 1994 й. башлап Биохимия һәм генетика институтында: өлкән лаборант, 1995 й. — инженер, 1996 й. — кесе ғилми хеҙмәткәр, 2000 й. — ғилми хеҙмәткәр, 2002 й. — өлкән ғилми хеҙмәткәр, 2017 й. алып төп ғилми хеҙмәткәр, бер үк ваҡытта 2018—21 йй. Республика медицина‑генетика үҙәгенең лаборатория‑диагностика эштәре буйынса директор урынбаҫары, 2022 й. башлап “Здоровое долголетие” үҙәгенең баш ғилми хеҙмәткәре һәм БДУ‑ның биология факультеты молекуляр медицина үҙәгенең директоры (бөтәһе лә — Өфө ҡ.). Фәнни эшмәкәрлеге тоташтырыусы туҡыма ауырыуҙарының молекуляр‑генетик нигеҙҙәрен, Евразия халыҡтары популяцияһының генетик структураһын тикшереүгә арналған. Х. тарафынан Волга‑Урал төбәге халҡы өсөн оптималь булған ДНК‑диагностика юлдары (камил булмаған остеогенез, остеопороз һәм остеоартроз) табылған. 2019 й. алып “Башҡортостан елек донорҙары регистры” автономиялы коммерцияға ҡарамаған ойошманың башҡарма директоры. БР‑ҙың фән һәм техника өлкәһендәге Дәүләт премияһы лауреаты (2021). Халыҡтар дуҫлығы ордены менән бүләкләнгән (2021).

  Х е ҙ м.: Этногеномика народов Центральной Евразии: структура генофонда и молекулярно-генетические основы наследственной патологии. Уфа, 2014 (авторҙ.); Генетика остеопороза. Уфа, 2015 (авторҙ.); Формирование концепции правового регулирования геномных исследований в Российской Федерации, М., 2022 (авторҙ.).

Тәрж. Г.У.Кәбирова

Дата публикации: 21.12.2022
Дата последнего обновления публикации: 09.01.2023