ХӘЙҘӘРШИН Ғәйнанша Хәйҙәрша улы

ХӘЙҘӘРШИН Ғәйнанша Хәйҙәрша улы [5.2.1911, Өфө губернаһы Бөрө өйәҙе Байғужа а. (БР‑ҙың Яңауыл районы) — 4.12.2006, шунда уҡ], Советтар Союзы Геройы (1944). Б.В. һуғышында ҡатнашыусы. 1930 й. алып Магнитогорск металлургия комбинатында, 1932—34 йй. һәм 1940—41 йй. Яңауыл районының М.В.Фрунзе исемендәге колхозында, 1934—40 йй. Пермь ҡ. эшләй. 1941 й. июленән Ялан, Төньяҡ Кавказ һәм 2‑се Украина фронттарында хеҙмәт итә. Герой исеменә 37‑се армияның 110‑сы гвардия уҡсылар дивизияһы 117‑се гвардия айырым сапёр батальонының отделение командиры гвардия рядовойы Х. 1943 й. 9 октябрендә Украина ССР‑ының Дериевка а. тирәһендә Днепр й. аша сыҡҡанда күрһәткән батырлығы өсөн лайыҡ була. Демобилизациянан һуң (1944) Яңауыл районының Байғужа ауыл советында, М.В.Фрунзе исемендәге колхозында рәйес булып эшләй. Ленин (1944), 1‑се дәрәжә Ватан һуғышы (1985), Ҡыҙыл Йондоҙ (1944) ордендары менән бүләкләнгән. Х. исеме Байғужа урта мәктәбенә бирелгән, ихатаһында уға бюст, бинаһына мемориаль таҡтаташ ҡуйылған.

И.Ғ.Кәримова

Тәрж. М.Х.Хужин