Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ХӨСӘЙЕНОВ Айҙар Гайдар улы

Просмотров: 1167

ХӨСӘЙЕНОВ Айҙар Гайдар улы (27.2.1965, БАССР-ҙың Ейәнсура р-ны Күгәрсен а.), шағир, драматург, тәржемәсе. Яҙыусылар союзы ағзаһы (1999). БАХИ-ны (1987), М.Горький ис. Әҙәбиәт ин-тын (1995, Мәскәү) тамамлаған. 1989—90 йй. Яңы Өфө НЭЗ-ының “Нефтепереработчик” (“Нефть эшкәртеүсе”) гәз., 1996—98 йй. “Башҡортостан” гәз., 1999 й. алып “Бельские просторы” ж., 2002—08 йй. “Уфа” ж. хеҙм-ре, 2012 й. башлап “Истоки” гәз. баш мөхәррире. “ОЭ!” исемле тәүге шиғырҙар йыйынтығы 1991 й. сыға. “Ғиффәтле башҡорт егете” (“Башкирский девственник”; 1994), “Аждаһа” (“Аждаха”; 1995) романдары, “Көн. Күңел.

Диоксин” (“День. Душа. Диоксин”; 1996) хикәйәләр йыйынтығы, “ОЭ-ның таҙа аңы!” (“Ясное сознание ОЭ!”; 2000) шиғырҙар китабы авторы. Ерәнсә сәсән т-дағы фольклор сюжеттары нигеҙендә ижад ителгән “Бәндәбикә менән Ерәнсә сәсән” (“Бендебике и Еренсе-сэсэн”; 2004) пьесаһы Стәрлетамаҡ башҡорт драма театрында ҡуйыла. “Өфө. Мең йыллыҡтың аҙағы” (“Уфа. Конец тысячелетия”; 1999) Башҡортостандың урыҫ шиғриәте антологияһын төҙөүсе, “Әйберҙәр тауышы” (“Голоса вещей”; 1998) альманахын һ.б. төҙөүселәрҙең береһе. Р.Т.Бикбаев, Р.Й.Ғарипов, М.Кәрим, Р.Түләк, С.Н.Шәрипов һ.б. әҫәрҙәрен; “Аҡбуҙат”, “Урал батыр” эпостарын, башҡорт халыҡ әкиәттәрен һ.б. урыҫ теленә тәржемә итә. “Мәҙәниәттәр диалогы” Респ. йәмәғәт фонды идараһы (2001—11), “УФЛИ” әҙәби берекмәһе (2002 й. алып) рәйесе.

Тәрж. Р.Ә.Сиражитдинов

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: