ХӨСӘЙЕНОВА Физа Сәләх ҡыҙы
ХӨСӘЙЕНОВА Физа Сәләх ҡыҙы (27.9.1930, БАССР-ҙың Шишмә районы Бәрҫеүәнбаш а. — 13.8.2020, Өфө ҡ.), терапевт. Медицина фәндәре докторы (1973), профессор (1977). БР-ҙың атҡаҙанған фән эшмәкәре (1993), БАССР-ҙың атҡаҙанған табибы (1983), СССР-ҙың һаулыҡ һаҡлау отличнигы (1981). БДМИ-ны тамамлағандан һуң (1952) 1962 й. тиклем Республика клиник дауаханаһында эшләй. 1965—95 йй. БДМИ-ла (1974—86 йй. госпиталь терапияһы кафедраһы мөдире). Фәнни эшмәкәрлеге кардиология (йөрәктең ишемия ауырыуын, миокард инфарктын һ.б. иртә диагностикалау, иҫкәртеү һәм дауалау), һөнәри ауырыуҙар (профессиональ факторҙар тәьҫирендә гемостаз, бензол сығарылмалары һ.б. оҙайлы тәьҫире булғанда клиник-гематологик тикшеренеүҙәр) мәсьәләләренә арналған. Башҡортостан терапевтар йәмғиәте рәйесе (1981—86).
Тәрж. Г.Ҡ.Ҡунафина