ШАФРАН КИПТЕРЕҮ КОМБИНАТЫ

ШАФРАН КИПТЕРЕҮ КОМБИНАТЫ. 1956 й. Әлшәй р‑ны Ыҫлаҡ а. Знаменка спирт з‑ды базаһында Башҡ‑н респ. ҡулланыусылар йәмғиәте союзы составында Ш.к.к. булараҡ ойошторола, 1995 й. ябыла. Составына консервалау, киптереү, кондитер цехтары; алкоголһеҙ эсемлектәр, крахмал производстволары ингән. 1995 й. 40‑тан ашыу кеше эшләгән; киптерелгән йәшелсә (картуф, һуған, кишер һ.б.), консервалар (йәшелсә, емеш һ.б.), кондитер, икмәк‑булка изделиелары, алкоголһеҙ эсемлектәр, крахмал етештергән. Продукцияһы БР‑ҙа һәм РФ‑та һатылған, ГДР‑ға, Чехословакияға ебәрелгән.

Тәрж. Р.Ғ.Ғилманов