Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЭОС

Просмотров: 907

ЭОС, гибрид клевер сорты. 2005 й. И.П.Леонтьев, А.Л.Золотов, А.Д. Карасов [Балаҡатай р‑нының “Карасов А.Д.” крәҫтиән (фермер) хужалығы] тарафынан ҡырағай популяцияларҙан күпләп һайлап алыу ысулы м‑н сығарыла. Һабағының бейеклеге 50—60 см, төҙ, 6—7 быуын араһы бар, бер аҙ тарбаҡлы. 35—40%‑ын япраҡ ҡаплаған. Япрағы өсәрле, ҡатмарлы, япраҡсаһы оҙонса түңәрәк, йәшел төҫтә. Сәскәһе аҡ‑алһыу, ҡыҫҡа тажлы, сәскәлеге — шар һымаҡ баш. Орлоғо ваҡ, йөрәк формаһында, һоро‑йәшел, һирәгерәк ҡара йәки һары. 1000 орлоғоноң ауырлығы 0,7—1 г. Ҡышҡа сыҙамлы, иртә өлгөрөүсе сорт, ике тапҡыр сабыла, бер тигеҙ үҫә. Уртаса уңдырышлылығы (ц/га): бесән — 87,5, орлоҡ — яҡынса 4; 100 кг йәшел масса составында 20,5 мал аҙығы берәмеге һәм 2,7 кг үҙләштерелеүсе протеин бар [“Карасов А.Д.” крәҫтиән (фермер) хужалығы, 2005—07]. БР б‑са ҡулланылышҡа 2007 й. индерелгән, төньяҡ урман‑дала зонаһында һәм төньяҡ‑көнсығыш урман‑дала зонаһында үҫтерелә.

И.П.Леонтьев

Тәрж. Г.А.Миһранова 

Дата публикации: 10.10.2019
Дата последнего обновления публикации: 17.10.2019
Связанные темы рубрикатора:
Связанные статьи: