ЯЛСЫҒОЛ”, башҡорт халыҡ йыры

“ЯЛСЫҒОЛ”, башҡорт халыҡ йыры, ҡыҫҡа көй. Тәүге тапҡыр йырҙың көйөн 1939 й. Л.Н.Лебединский И.Ш.Дилмөхәмәтовтан (ҡара: Дилмөхәмәтовтар) яҙып ала, Ғ.З. Сө­ләймәнов яҙмаһында “Башҡорт халҡ йырҙары” йыйынтығында баҫтырыла. Ялсығол исемле батрактың оптимистик йыры. Бейеү характерындағы көйө мажор пентатоникаһына нигеҙләнгән. Ҡушымталағы ике һәм өс киҫәкле үлсәмдәрҙең алмашыныуы йырға тәьҫирлелек өҫтәй һәм образды тулыһынса асырға булышлыҡ итә. Р.Ә.Мортазин тауыш һәм фп. өсөн, Р.В.Сәлмәнов, Х.Ф. Әхмәтов аккомпанементлы хор өсөн эшкәртә. Башҡарыусылар араһында — К.М.Дияров. Шулай уҡ 1939 й. Лебединский Б.Бикбайҙан яҙып алған ш. уҡ исемле ҡобайыр бар.

Г.Ә.Ишкинина

Тәрж. Г.Һ.Ризуанова