ЧИСТЯКОВ Константин Сергеевич
ЧИСТЯКОВ Константин Сергеевич (19.3.1970, Өфө), спортсы. Тау саңғыһы спорты б-са СССР-ҙың халыҡ-ара класлы спорт мастеры (1988). БДПУ-ны тамамлаған (2005). “Зенит” ДСО-һы ДЮСШ тәрбиәләнеүсеһе (тренерҙары Е.Г.Козлов, Т.Н.Козлова). Слалом-гигантта (1988), тиҙлеккә төшөүҙә һәм супергигантта (1989) СССР чемп., слалом-гигантта СССР халыҡтары спартакиадаһының көмөш призёры (1990), халыҡ-ара ярыштарҙа күп тапҡыр еңеүсе һәм призёр. Үҫмер спортсылар араһында өсбәйгелә донъя чемп. (1988). Олимпия уйындарында ҡатнашыусы (1988, 1992). СССР (1986 й. алып), БДБ (1992) йыйылма командалары ағзаһы. 1996 й. башлап Тау саңғыһы спорты б-са СДЮШОР тренер-уҡытыусыһы, 2003—13 йй. директоры.
Тәрж. Г.А.Миһранова