СОҠОРОЙ Ғ. МУЗЕЙЫ

СОҠОРОЙ Ғ. МУЗЕЙЫ, Тәтешле музейы филиалы. Тәтешле р‑ны Иҫке Соҡор а. урынлашҡан. 2001 й. Милли музей филиалы булараҡ асыла, 2002—06 йй. Милли әҙәби музей филиалы, 2009 й. хәҙ. статусын ала. Музей фондында 380‑дән ашыу һаҡлау берәмеге, ш. иҫ. Ғ.Соҡорой төҙөгән “Ирәкте ырыуы шәжәрәһе” нең һәм уның бер нисә китабының күсермәһе; шағирҙың портреты (рәссам А.Ҡунаҡбаев) һәм бюсы (скульптор И.К.Шәйхиев); Кейековтар нәҫеленең шәхси китабы булған Ҡөрьән; нумизматик коллекция бар. Экспозиция шағир‑суфыйҙың тормошона һәм ижадына, уның тыуған ауылы тарихына арналған бүлектәрҙән, ш. уҡ урындағы халыҡтың традицион көнкүреш әйберҙәре күрһәтелгән этнография бүлегенән тора. Музей күмәк кеше ҡатнашлығындағы байрамдар (“Шәжәрә байрамы” һ.б.) һәм кисәләр үткәрә, тематик (ш. иҫ. күсмә) күргәҙмәләр, Иҫке Соҡор һәм Иҫке Күрҙем аа. иҫтәлекле урындары буйлап экскурсиялар ойоштора.

З.Ә.Арманшина

Тәрж. Р.Р.Абдрахманов