ТРАХТЕНБЕРГ Орест Владимирович
ТРАХТЕНБЕРГ Орест Владимирович (18.8.1889, Санкт‑Петербург ҡ. — 23.5.1959, Мәскәү ҡ.), философ. Философия фәндәре докторы (1939). РСФСР‑ҙың Педагогия фәндәре академияһы академигы (1947). Петроград университетын тамамлаған. 1921 й. алып Мәскәү ҡ.: Н.К.Крупская исемендәге Коммунистик тәрбиә биреү академияһында һәм башҡа вуздарҙа уҡыта, 1939—59 йй. СССР ФА Философия институтының өлкән ғилми хеҙмәткәре (1946—49 йй. философия тарихы секторы мөдире), бер үк ваҡытта 1943 й. башлап МДУ‑ла уҡыта. Бөйөк Ватан һуғышы йылдарында Өфө ҡ. эвакуациялана: 1943—45 йй. К.А.Тимирязев исемендәге Башҡ. педагогия институтында эшләй (1944 й. алып марксизм-ленинизм кафедраһы мөдире). Фәнни тикшеренеүҙәре Көнбайыш Европа һәм ватан философияһы тарихына арналған. Сталин премияһы лауреаты (1943).
Х е ҙ м.: Очерки по истории западноевропейской средневековой философии. М., 1957; Очерки по истории философии и социологии Англии XIX в. М., 1959.
Д.Ә.Нуриев
Тәрж. М.Х.Хужин