СЫРОВ Игорь Анатольевич

СЫРОВ Игорь Анатольевич (12.2.1965, Салауат ҡ.), тел белгесе. Филология фәндәре докторы (2006). БР‑ҙың мәғариф отличнигы (2002), РФ‑тың почётлы юғары профессиональ белем биреү хеҙмәткәре (2015). СДПИ‑ны тамамлағандан һуң (1992) 2002 й. тиклем һәм 2005 й. алып шунда уҡ эшләй: 2006 й. башлап урыҫ теле кафедраһы мөдире, 2011 й. — уҡыу‑уҡытыу эштәре буйынса проректор, 2012 й. алып директор урынбаҫары, 2021 й. — ӨФТУ‑ның Стәрлетамаҡ филиалы директоры. Фәнни эшмәкәрлеге текст теорияһына (бәйләнешлелек категорияһы, мәғәнә структураһы һ.б.), урыҫ теле синтаксисына арналған.

 Х е ҙ м.: Способы реализации категории связности в художественном тексте. М., 2005; Синтаксис современного русского языка: введение. Словосочетание. Простое неосложнённое предложение. Стерлитамак, 2009.

Тәрж. Р.Ә.Сиражитдинов