ВОЛГА БУЙЫ ФЕДЕРАЛЬ ОКРУГЫ

ВОЛГА БУЙЫ ФЕДЕРАЛЬ ОКРУГЫ, Рәсәй Федерацияһының Европа өлөшөндәге адм.‑терр. берәмеге. 2000 й. 13 майында ойошторола. Башҡортостан Республикаһы, Марий Эл, Мордовия, Татарстан, Удмуртия, Сыуашстан респ., Түбәнге Новгород өлкәһе, Ырымбур өлкәһе, Һамар өлкәһе, Һарытау өлкәһе, Киров, Пенза, Ульяновск өлк., Пермь крайы терр‑яларын үҙ эсенә ала (ҡара: карта). Үҙәге — Түб. Новгород ҡалаһы. Округ сиктәрендә РФ Президентының конституцион вәкәләттәрен тормошҡа ашырыуҙы уның тулы хоҡуҡлы вәкиле тәьмин итә. Майҙаны — 1038 мең км2.  Халҡы — 31,15 млн кеше, ш. иҫ.  1,35 млн башҡорт (2002). Халыҡ‑  тың тығыҙлығы — 30,53 кеше/км2.  Халыҡтың 70,7%‑ы ҡалала йәшәй;  ҙур ҡалалар — Түб. Новгород, Һамар, Ҡазан, Өфө, Пермь, Һарытау,  Тольятти. Милли составы (%): урыҫтар  — 67,88, татарҙар — 13,04, сыуаштар  — 4,55, башҡорттар — 4,33  һ.б. Ауыл хужалығы һәм сәнәғәт производствоһы  кимәле б‑са федераль округтар араһында В.б.ф.о. 1‑се һәм  2‑се урындарҙы биләй (2010). Округта  РФ Президентының тулы хоҡуҡлы вәкилдәре: С.В.Кириенко (2000 й.  алып), А.В.Коновалов (2005 й. алып),  Г.А.Рапота (2008 й. алып), М.В.Бабич  (2011 й. алып). Округ субъекттарының сәнәғәт һәм а.х. производствоһының үҫеш күрһәткестәрен табл. ҡара.

Т.Х.Гәрәев, В.К.Сәмиғуллин

Тәрж. Ә.Н.Аҡбутина

Волга буйы федераль округы субъекттарының сәнәғәт һәм ауыл хужалығы производствоһы үҫеше (2010 й. ғәмәлдә булған хаҡтарҙа)