ПАЙКИН Лев Ефимович
ПАЙКИН Лев Ефимович (13.6.1927, Невель ҡ. — 10.10.2017, Өфө ҡ.), режиссёр. БАССР‑ҙың атҡаҙанған сәнғәт эшмәкәре (1964), СССР‑ҙың мәҙәни‑ағартыу эше отличнигы (1981). БР‑ҙың почётлы мотор эшләүсеһе (1997). Башҡ. театр‑художество училищеһын (1948; И.К.Глушарин, А.П.Новоскольцев курсы), Новозыбков педагогия институтын (1955) тамамлаған. 1948—53 йй. Брест, Новозыбков ҡҡ. театрҙарында актёр, бер үк ваҡытта 1950 й. алып Новозыбков педагогия институтында уҡыта. 1953 й. башлап Өфө ҡ.: М.И.Калинин исемендәге мәҙәниәт йортоноң халыҡ театры режиссёры, 1972 й. — “Мотор эшләүсе” мәҙәниәт һарайы директоры, 1999—2001 йй. режиссёры. 70‑тән ашыу спектакль ҡуйған: Н.В.Гоголдең “Өйләнеү” (“Женитьба”), А.Е.Корнейчуктың “Йондоҙҙар ни өсөн йылмайҙы” (“Почему улыбались звёзды”), Н.Ф.Погодиндың “Кремль куранттары” (“Кремлёвские куранты”), А.Н.Островскийҙың “Ярлылыҡ оят түгел” (“Бедность не порок”) һәм “Таланттар һәм табыныусылар” (“Таланты и поклонники”) һ.б.; 50‑нән ашыу күмәк кеше ҡатнашлығындағы халыҡ байрамдары һәм тамашалар.
С.Д.Фазылова
Тәрж. Р.Р.Абдрахманов