РЯБОВ Андрей Фёдорович

РЯБОВ Андрей Фёдорович [29.10.1925, БАССР‑ҙың Стәрлетамаҡ кантоны Воскресенск ҡсб (БР‑ҙың Мәләүез районы) — 14.2.2004, Ишембай ҡ.], Советтар Союзы Геройы (1944). Б.В. һуғышында ҡатнашыусы. 1943 й. алып Көньяҡ‑Көнбайыш, 3‑сө Украина фронттарында хеҙмәт итә. Герой исеменә 12‑се армия 203‑сө уҡсылар дивизияһы 592‑се уҡсылар полкының 5‑се ротаһы уҡсыһы рядовой Р. 1943 й. 27—28 октябрендә Украина ССР‑ының Запорожье ҡ. төньяҡтараҡ Днепр й. аша сыҡҡанда күрһәткән батырлығы өсөн лайыҡ була. Демобилизациянан һуң Ишембай ҡ. йәшәй. Ленин (1944), 1‑се дәрәжә Ватан һуғышы (1985) ордендары менән бүләкләнгән. Мәләүез ҡ. мәҙәниәт һәм ял паркында Р. мемориаль таҡтаташ ҡуйылған, Ишембай ҡ. урамға уның исеме бирелгән, Геройҙар аллеяһында уға бюст ҡуйылған.

И.Ғ.Кәримова

Тәрж. М.Х.Хужин