Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

РАФИҠИ Ғәли Лотфрахман улы

Просмотров: 72

РАФИҠИ (Рафиҡов) Ғәли Лотфрахман улы [29.7.1890, Өфө губ. Бәләбәй өйәҙе Баязит а. (БР‑ҙың Миәкә р‑ны) — 11.3.1945, Бәләбәй ҡ.], яҙыусы. Стәрлебаш мәҙрәсәһендә, “Ғәлиә” мәҙрәсәһендә (1906—09) һ.б. уҡыған. Ҡазан татар уҡытыусылар мәктәбен (яҡынса 1916 й.), К.А. Тимирязев ис. Башҡ. пед. ин‑тын (30‑сы йй.) тамамлаған. 1909 й. алып мәғариф системаһында эшләй: 1924 й. башлап Бәләбәй кантоны халыҡ мәғарифы бүлеге инспекторы, 1928— 45 йй. Бәләбәй пед. уч‑щеһында уҡыта. Тәүге әҫәрҙәре 1911 й. “Аң”, “Аҡ юл” ж. (икеһе лә — Ҡазан), “Ваҡыт” гәз. һ.б. баҫтырыла. “Алатау буйҙарында”, “Ваҡытлы никах” (икеһе лә — 1913), “Артыҡ кеше” (1914) хикәйәләрендә шәхес азатлығы, ирҙәр һәм ҡатын‑ҡыҙҙарҙың тиң хоҡуҡлығы мәсьәләләре күтәрелә, наҙанлыҡ һәм дини фанатизм тәнҡитләнә. Балалар өсөн яҙылған “Өйрәктәр эҙләгәндә”, “Йорт торнаһы” (икеһе лә — 1910 йй. башы) һ.б. хикәйәләр авторы. Башҡ. мәктәптәренең 5—6 кластары өсөн урыҫ теленең грамматикаһы б‑са уҡыу әсбабын (1938; Г.Йәнекәев м‑н берлектә) төҙөүсе. Ботаника, кеше физиологияһы б‑са 30‑ҙан ашыу фәнни мәҡәлә авторы.

Әҙәб.: Башҡорт әҙәбиәте. ХХ быуат башы. 2‑се кит. Проза. Драматургия. Өфө, 1984. М.Х.Нәҙерғолов

Тәрж. Р.Ә.Сиражитдинов

Дата публикации: 10.10.2019
Дата последнего обновления публикации: 17.10.2019