ПАРФЮМЕРИЯ-КОСМЕТИКА СӘНӘҒӘТЕ

ПАРФЮМЕРИЯ‑КОСМЕТИКА СӘНӘҒӘТЕ, парфюмерия‑косметика изделиелары, һабын, эфир майҙары, синтетик, ароматик матдәләр етеште‑ реү б‑са аҙыҡ‑тәм сәнәғәте тармағы. Башҡортостанда 20 б. 70‑се йй. аҙ. “Чародейка” Өфө косметика ф‑каһы төҙөлөү м‑н үҫешә башлай. 90‑сы йй. башында “Авангард” ПБ‑нда лосьон‑дезодоранттар, крем‑желе, ҡул тиреһен тәрбиәләр өсөн “Әкиәт” средстволары, “Омелия” фирмаһында (1992) шампунь, бәлзәм, душ инеү өсөн гель, шыйыҡ һабын, ш. уҡ парфюмерия‑косметика продукцияһын фасовкалау өсөн полимер флакондар һ.б. етештерелә. Респ. тәбиғи продукттар һәм биол. актив компоненттар нигеҙендә косметика саралары сығарыу б‑са пр‑тиелар эшләй: “Прополис” ЯСЙ, “Жеспар-Биос” ҒПП ЯСЙ (1991), “Пропосан” ҒПБ ЯСЙ (1997) һ.б. 2004 й. аҙыҡ‑тәм сәнәғәте етештереү күләменең 0,2%‑ы П.‑к.с. өлөшөнә тура килә. Продукцияһы БР‑ҙа һәм РФ‑та һатыла.

И.В.ЛаврешинаТәрж. Ф.Ғ.Ғәлиев

Табл. Башҡортостан Республикаһында парфюмерия-косметика изделиелары етештереү, мең дана