САФИН Шамил Мәхмүт улы

САФИН Шамил Мәхмүт улы (28.3.1956, БАССР‑ҙың Ҡыйғы районы Үрге Ҡыйғы а.), нейрохирург. Медицина фәндәре докторы (1999), профессор (2000). БР‑ҙың атҡаҙанған табибы (2001). БДМИ‑ны тамамлаған (1979). 1980 й. алып Республика клиник дауаханаһында эшләй (2001 й. башлап бүлек мөдире), 2007 й. — “Нейрохирургия” республика махсус төрҙәге медицина ярҙамы үҙәге етәксеһе. Фәнни эшмәкәрлеге нервы системаһы шештәрен, гидроцефалияны, краниовертебраль (Арнольд—Киари аномалияһы, сирингомиелия) һәм функциональ (ауыртыу синдромдары, Паркинсон ауырыуы, эпилепсия) нейрохирургик патологияларҙы хирургик дауалау проблемаларына арналған. С. ҡатнашлығында баш мейеһенең хроник субдураль гематомаларын, балаларҙа травматик субдураль һәм баш һөйәге эсендәге гематомаларҙы хирургик дауалау ысулдары; вентрикулоперитонеаль шунттың абдоминаль катетерын имплантациялау ысулы һ.б. эшләнә. Салауат Юлаев ордены менән бүләкләнгән (2021).

   Х е ҙ м.: Гидроцефалия (патогенез, диагностика, хирургическое лечение). СПб., 1998 (авторҙ.); Повторные ликворошунтирующие операции. Алматы; СПб., 1999 (авторҙ.).

Тәрж. Г.Ҡ.Ҡунафина