САФУАНОВА Гүзәл Шағбан ҡыҙы

САФУАНОВА Гүзәл Шағбан ҡыҙы (19.9.1960, Сибай ҡ.), терапевт. Медицина фәндәре докторы (2004), профессор (2007). БР‑ҙың атҡаҙанған табибы (2010), БР‑ҙың һаулыҡ һаҡлау отличнигы (2005). БДМИ‑ны тамамлаған (1983), 1990 й. алып БДМУ‑ның өҫтәмә профессиональ белем биреү институтында уҡыта: 2013 й. башлап гериатрия курсы менән терапия һәм дөйөм табип практикаһы кафедраһы мөдире, бер үк ваҡытта 2008—18 йй. фәнни эш буйынса директор урынбаҫары. Фәнни эшмәкәрлеге терапия, гематология, иммунология һәм генетика проблемаларына; ҡан һәм ҡан барлыҡҡа килтергән ағзалар ауырыуҙары булған пациенттарҙың эске ағзалары этиологияһын, эпидемиологияһын, клиник‑функциональ торошон, генетик һәм иммунологик боҙолоштарын, йәшәү сифатын өйрәнеүгә; эритрон патологияһын, БР халҡының тимер дефицитлы анемия патогенезын тикшереүгә арналған. С. ҡатнашлығында үҫеште молекуляр-генетик күҙаллау, тимер дефицитлы анемия һәм хроник миелолейкоз ваҡытында шәхсән терапия ысулдары эшләнә. 5 уйлап табыу авторы. БР һаулыҡ һаҡлау министрлығында гематологиянан баш белгес (2001—08 йй., 2013—18 йй.).

Х е ҙ м.: Острая абдоминальная и тазовая боль (клиника, дифференциальная диагностика и тактика). Уфа. 2006 (авторҙ.); Лимфоаденопатии в практике врача. Уфа, 2013 (авторҙ.); Гематологические синдромы в клинической практике педиатра. М., 2018 (авторҙ.).

Тәрж. Г.Ҡ.Ҡунафина